Tugon
by Butch Charvet Makulimlim ang panahon At di humuhuni ang ibon Dumarating at nananaghoy Puso mong di naghihilom Sa pagdating ng bukang liwayway At wala sa'yong dumaramay Lalo lang nauupos Ang pag-asang dati ng kapos Kay hirap nang unawain Ang pusong nasisikil Tila ba walang pag-asa Tila ba mundo'y nagunaw na Ang nais ko ika'y mapansin Ang yong damdami'y intindihin Lalo lang lumalabo Pagkat sila'y lumalayo Ang tao nga'y sadyang ganyan Minsa'y di na nga makaramdam Ang nais mong ipabatid Diyos na lang ang nakababatid Kay hirap mang unawain Ang tao minsa'y sakim Ito'y di mo makakayanan Kung si Hesus hindi mananahan Sa puso mong tigang Makulimlim ang panahon At di humuhuni ang ibon Dumarating at nananaghoy Si Kristo ang iyong tugon Ang puso mong di naghihilom Si Kristo ang iyong tugon Hindi ka man napapansin Si Kristo ang iyong tugon
No comments:
Post a Comment